المصري هو اللّي
(مقتبس بتصرف)
& · بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد
& · بيحط الريموت كونترول في كيس بلاستيك كعادة فرعونية
& · يقف يتكلم على الباب نص ساعة بعد إنتهاء الزيارة والسلام
& لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
& · ييجي بعد معاده بساعتين ويفتكر إن ده عادي
& · لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
& بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
& · بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
& · ممكن يعدي التلاتين ولسه عايش مع أمه وأبوه وماعندهومش مشكلة
& · بيكون عنده شواية لزوم الرحلات أقصى استخدام لها كان مرة واحدة في العيد
& · بيشيل طابع البريد من على الظرف لو الختم ماكانش عليه
& · بيفتكر إن أي حد بيشتغل في الخليج بيغرف فلوس من غير حساب
& · بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
هناك تعليقان (2):
برااااااااااااافو !!!
احسنت وبشده
أضيف أحد مكونات الشخصية الجهنمية التي تدعى المصري
1-هو أحد الشخصيات اللي ينزل يبضع ويشتري يمين وشمال في الغربة عشان يحتفظ بيها للعيال لما يتجوزوا وما يستعملش منها أي حاجه حتى لو تكسروا كلهم وحتة لو كان جايبين منها ألف واحده... الغريب انه لما العيال بيتجوزوا ما بيرضوش ياخدوا حاجه من كل الكلام ده و الأغرب اني لقيت نفس الكلام ده عند الناس اللي ميخلفوش برضه هو الناس دي بتشيل الحاجة دي لمين!!
2- انهم من الناس التي لابد عفش الجواز لا زم يحتوي على هذا الجهاز العريض المسمى " النيش " طبعا عشان يحتفظوا بكل اللي فات وقلنا عليه في النقطة اللي فاتت للزينة فقط وممنوع منعا استعمالها إلا للشديد القوي على أساس ان صحاب البيت مايستهلوش " نظرية متوارثة". وطبعا لازم لازم السفرة التي لا تستعمل في البيوت الشرقية إلا ماندر ... ولا انتم عايزين الناس يقولوا علينا ايه؟؟
3- المصري هو الجنس البشري الوحيد الذي يعتز بالغريب " وخصوصا ابن الخواجه" على حساب ابن بلده اللي بيديه بالجزمه مش - لا سمح الله - كرم ولا مؤاخذه لكن لأن عنده احساس دفين من أيام العبيد والمماليك أنه عبد والناس التانيه أسياده " دناوة نفس بعيد عنك.
4- المصري هو الجنس البشري أو غير البشري اللي بيروح لأي سفارة تانيه غير سفارة بلده في أي حته في العالم ليجد بعض الإحترام والعون!!
5- هو الكائن وربما الجماد الوحيد اللي في العالم اللي أعرفه أو معرفوش اللي كلما أهين قال ياباشا ... هل من مزيد؟؟!!
إرسال تعليق